《The Inner Game of Tennis》讀後感
Marcus · 2026年6月10日
真實的比賽中，沒有人是輸家
《比賽，從心開始》
自古以來最讓運動員困擾的是： 『我不是不知道該怎麼做 問題是我就是做不好！』
📍 第一章：你到底打緊邊場比賽？
一次重要面試、一次公開演講 明明準備充足，練習過無數次 但你仍然窒機、講錯嘢，犯低級錯誤
「點解硬係做唔好？」
點解平時練習勁到飛起 一到正式比賽即刻腳軟？
任何時刻，我哋都打緊「兩場比賽」
- 外在比賽 克服外在障礙：和對手比賽 達成一個看到的目標
- 真正決定生死＝內心比賽 心裏要克服障礙：不專注、緊張、自我懷疑以及自我譴責等
大部分人一生都將精力放錯地方 花費無數金錢/時間 報讀各種技術課程 尋求「外在指導」
作者發現，越用心將擊球細節 口傳心授俾學生 學生反而打得越差！
過多外在指令 學生塞滿教練把聲 不斷擔心自己做錯 結果連最基本嘅揮拍都做唔到
「場上唯一的敵人跟教練，都是自己」
如果只為贏得勝利而戰 將焦點全放在外在比賽的獎盃上 就會陷入患得患失的惡性循環
但如果能夠贏得內心比賽 或許無法為你贏得獎盃 但卻會帶來雋永而寶貴的獎賞
📍 第二章：大腦精神分裂「自我1」與「自我2」
當你打失一球，或講錯一句說話 心入面：「我真係好蠢呀！」
誰在跟誰說話？誰被罵？
每個人嘅內心，都住著兩個『自我』
有一個『我』指示 另一個『自己』行動 執行完畢，「我」仲會對任務俾評價 分別命名為「自我1、自我2」
- 自我1（意識）：多言、批判、控制狂=老闆
- 自我2（本能）：身體同神經系統 佢係超級神童！ 「與生俱來蘊藏驚人內在智慧」 世界上根本無一部電腦 可以做到初級網球員咁複雜嘅身體動作 呢個就係自我2嘅威力 問題出喺「自我1不信任自我2」
明明自我2已具備完美執行能力 但自我1硬係要指手畫腳
觀察小孩接受教育 或觀察動物教導下一代
作者喺動物園見到母河馬教小河馬游水 母河馬將小河馬推落水池 等佢沉落水底 再頂佢上水面唞氣 重複幾次之後就放手
牠知道一旦『啟動』孩子學習過程 便可以完全信賴孩子本能
人類最大嘅悲哀： 將大腦運算能力，走去批判同懷疑自己
「只有當兩個自我停止內戰、和平共處 我哋先可以達到真正嘅巔峰表現」
📍 第三章：放棄控制嘅藝術
做人道理：「任何事都要竭盡全力」 我哋深信「努力」就係解決一切嘅萬能藥
波打得唔好？因為你唔夠努力！ 書讀得唔好？因為你唔夠賣力！
作者：「贏球祕訣在於：不要太賣力」
「賣力」＝「值得質疑的美德」
女學生瓊安嘅實驗 要求佢「竭力用球拍中央打球」
瓊安「太賣力」、結果一塌糊塗
瓊安氣餒、鬧自己：「我做什麼都做不好！」
作者改變策略 「這次妳專心看著網球上的接縫 不要想和球接觸 完全不要嘗試打到球 妳只要隨意地揮拍碰到球就好」
奇蹟發生！
放棄刻意瞄準，成個人放鬆晒
結果「十球，有九球用球拍中央打到」
瓊安體會到『賣力』和『努力』的差別
賣力＝自我1強行奪權、用意識控制身體肌肉 努力＝自我2無壓力狀態，自然流露嘅表現
信任身體，放手俾佢去執行
📍 第四章：心如止水
無人相信單靠「放手」就能控制思想 必須學習把它安置在某個地方
同自己個腦作對，係絕對行唔通 咁點算好？
黑暗森林嘅探射燈 意識就像黑森林裏點亮的電燈 你可以在半徑範圍內看見和認識這森林
當你專注力夠強 意識就好似一盞超強光「探射燈」
光線集中投射向同一個方向 面前嘅事物就會極度清晰
如果你覺得焦慮、不斷諗住輸贏 就好似「鏡片髒了」 又或者燈搖擺不定，光束分散
注意力＝集中的意識
要令探射燈唔好搖 必須俾一個極具體嘅目標佢
實戰技巧一：視覺
「望實個波」，指令太模糊 望實波上面嘅「縫合線」
「透過視覺加深注意力的最有效方法： 專注在一些不容易察覺的隱晦事物上」
點解呢招咁勁？因為 縫合線一直存在於當下 如果思想專注在那上面 就不會去想過去或未來
實戰技巧二：聆聽
球撞擊到球拍會發出一種獨特的聲音 而且視它與『甜區』（球拍拍面的中心點） 有多近、球拍表面的角度、 重心的分布和與球接觸的位置而定，音質會有各種變化
我學習到記住某些聲音 成為大腦內建電腦的有效提示
實戰技巧三：節奏
超簡單發聲練習：
看到球擊中球場地面一刻就大聲說『彈』 在球接觸到球拍的一刻大聲說出『擊』
不斷跟住節奏唸「彈、擊、彈、擊」
「他很難一面說著：『彈──擊』，又同時過分指導自己、過分努力嘗試、或擔心分數」
實戰技巧四：回歸呼吸
「無論網球場內或場外 沒有其他方法比專注呼吸過程更能對付焦慮問題」
焦慮係咩？ 「焦慮是對未來可能發生的事感到恐懼 它只會在想像未來局面時出現」
而呼吸，永遠只會發生喺「當下」
神馳狀態 當你將專注技巧練到爐火純青＝「Zone」 一切都變得好慢 大腦靜如止水 身體卻發揮出百分之二百嘅潛能
換句話說，少了自我1，只剩下自我2
📍 第五章：正能量毒藥，「唔批判」先係最高境界
『我好叻、我一定得』，咁咪解決囉？
好多人提倡正向思考取代負面想法... 也許、看似、至少、能帶來短暫好處 但「蜜月期」太短暫
有一次，作者教班女士打網球 見大家打得唔錯，忍不住讚一句： 「大家看，所有球都打到這邊的角落上，沒有球掛網」
一讚完，出事 一個女學員，大叫自己阻住地球轉 甚至出現幻覺，屈自己打失好多球
第二輪打波 所有女士動作變得生硬，狂打失波
點解？ 因為作者一句「讚美」 瞬間喚醒所有人嘅「自我1」
「如果教練滿意某一種表現 你作出相反表現時，他就會不高興... 」 「我們制定了「好壞」的標準 而難以避免的結果是注意力分散 以及自我開始干預。」
「我的讚美其實是美化了的批評。 我運用這兩種方法來操縱行為。」
「正面和負面的評估是相對而言的。」
試想像一場網球比賽，有一個波飛咗出界
- A先生（輸波）嬲到震：「我討厭這一球！」
- B先生（贏波）開心到跳起：「我喜歡這一球！」
- C先生呢？佢高高在上咁坐喺裁判椅上面
「作為裁判（帶有評判意味）的C先生 卻不判斷這一球是正面的還是負面的 而只是判斷球的落點，宣布它是否出界
「球員對於這一球所認定的『好』或『壞』，並非這一球的本質 那些只是他們各自依自己的反應 在腦海裏對於這一球所加諸的評價而已」
所有嘅喜怒哀樂、崩潰同興奮 都係你大腦加落去嘅「幻覺」
當你明白事物本身係無好壞之分 你就會發現「正面思考」有幾危險
不批判不代表你逃避現實 不批判代表你客觀地面對眼前事實 不增不減任何東西 就是發生了這些事──不歪曲事實、不加油添醋
📍 第六章：重新定義勝利
從小到大，我哋都活喺一個競技場入面
被灌輸一個觀念： 你要贏！贏先有價值，輸就係失敗者
社會不斷向我哋洗腦： 「唯有成功，你才會被看作是好人、值得尊崇」
結果好多人驚輸、驚被貶低 將自我價值同分數綁死 打波變成一場面子保衛戰
如果你把比賽看作是生死之間的掙扎 那很難享受打網球的樂趣
既然輸贏唔代表我嘅價值 咁點解仲要咁拼命去比賽？ 對手又係一個咩角色？
試想像一個熱愛衝浪嘅人 佢企喺海灘度等浪 如果佢只係想輕輕鬆鬆「玩吓水」 佢大可以揀啲細細嘅浪去衝
點解真正嘅衝浪高手 永遠都喺度苦苦「等候巨浪」？
因為他重視巨浪帶來的挑戰
唯有面對巨浪 他才需要用盡所有技巧、勇氣 以及全神貫注
就在這一刻，他往往能發揮最顛峰的技巧
「對手即戰友」 將呢個哲學放返落網球場，甚至你嘅人生戰場
是誰讓球員面對挑戰 並引領你發揮技能極限的呢？
是你對手
你的對手是朋友，還是敵人？ 是朋友，因為他竭盡所能 為你鋪設困難的道路
唯有扮演好你敵人的角色 他才是你真正的朋友 和你比賽，其實是和你合作
真正的比賽就是真正的合作 在比賽當中，我們打敗的並非對方 而單純只是克服他所設下的障礙
真實的比賽中，沒有人是輸家
比賽，從心開始 因為所有比賽的敵人 都在我們
書友討論
登入後可留言