《The Nature of Love, Volume 1》讀後感

如果你有填書識圈嘅問卷，有一題係問你第一次參加書識圈嘅原因，當中有一個選項係：[情感出口] 走出失戀困局，尋求情感共鳴與新視角。

呢個選項似乎特別同其他選項格格不入，但經驗法則話畀我哋聽，每個看似無厘頭的選項／規則嘅出現，背後都有一個令人「暖心」的故事。

相信所有人都曾經問過以下幾個關於愛情的問題： 點解尋找愛如此困難？ 為何愛如此令人心碎？ 愛一個人是否有一個恰當或「正確」的方式？ 甚或一個更根本嘅問題，甚麼是愛？如果世上有 "True Love"，是否代表相應有 "Fake Love"？

我哋嘅教育入面，高中會同你辯論中學生應否談戀愛，初中開始已經會有性教育，但關於愛的教育則一直從缺。如果你嘗試由書本尋找答案，通常離不開以下 4 類，而今日分享的《愛的本質》，作者 Irving Singer 對這四類觀點提出了截然不同的回應：

1.常見觀點：愛係一種感覺，而 Feel 係無法被解釋的。 Singer:感受到愛的感覺可以係純粹嘅生物本能，但「關於愛」的概念並非憑空出現，不同時空文化脈絡之下嘅人，對於何謂愛嘅答案可以截然不同。 2.科學視角：愛係可以被解釋的，我哋稱為愛的感覺無非就係血液中流動嘅荷爾蒙、神經細胞嘅電流，加上你童年嘅創傷。 科學家安於研究慾望的出現和滿足，但一如單純生物學的研究無法指引理想的人生的方向，單單了解愛在人身上運作的機制，並無法推導出「理想的愛應當是何種模樣」。 3.技巧派：愛即吸引力。每個追問愛情是何物嘅人，真正想知嘅其實只係「如何得到愛」，獲取愛的手段與技巧，先係真正值得花精力去研究。 Singer:知道愛通常在何種前提和狀況下發生，同「愛的本質是甚麼」係兩個截然不同嘅問題。假如愛另一個人單純係滿足自己的手段，咁你並非「愛」一個人，而係「用」一個人。 4.《愛的藝術》Erich Fromm：講咗好多，但又好似無確實講咗啲乜，因為「愛只能是一種屬於每個人自己的體驗」。 Singer :因為愛要求我哋對稱之為「另一個人」的模糊複雜性（vague complexity）產生興趣，難怪愛人們聽起來像是形上學家，玄而又玄。 短短幾分鐘就辣㷫晒所有人，會做呢啲嘢嘅人 7L通常就只有哲學家。所以今日嘗試分享嘅就係美國哲學家 Irving Singer 嘅 The Nature Of Love，愛的本質嘅第一冊：由柏拉圖到路德。

兩場完整分享，及音樂情人聲音演繹版，請到以下網址繼續收看： https://remtoec.github.io/NOL/