書識圈 · 企業及團體活動
幫你搞一場
真係有人開口嘅活動
書識圈由 2024 年 10 月做到今日，辦過 171 場讀書會、桌遊夜、劇本殺同深度對話。 同一套做法，我哋幫企業、機構同品牌度身做：主持、場地、內容、活動後回顧，一條龍。
按規模報價。人數、時長、形式、場地傾清楚先報價，冇套餐冇隱藏收費。
我哋做得到咩
全部形式都接。唔知揀邊種，講低你想解決咩，我哋建議。
企業讀書會 / Team Building
同事各自帶一本書，輪流講點解揀佢。唔使做 slides、唔使夾稿，一場落嚟你會聽到平時 open office 聽唔到嘅嘢。啱新人多、跨部門唔熟、想做返啲唔係玩集體遊戲嘅團隊活動。
劇本殺 / 桌遊夜
一人一個角色，喺故事入面互相試探。要傾、要判斷、要決定信邊個——同事之間嘅默契就係喺呢啲位睇得出。我哋出劇本、出主持、出道具，你出人。
深度對話 / 工作坊
一個題目，人數控制喺十幾人，圍埋一齊講自己件事。有主持控節奏，唔會得幾個人講晒。適合 wellness week、DEI、離職率高想搵返原因嘅團隊。
品牌合作 / 聯乘活動
書店、咖啡店、酒品牌、出版社——由選題、宣傳、報名系統到現場執行，我哋做慣。活動本身就係內容，唔係擺個 booth 派 sample。
講座 / 分享會
閱讀習慣、社群營運、內容創作方向嘅分享，可以配合你公司嘅主題度身寫。我哋自己搞開，講嘅係做過嘅嘢，唔係翻譯外國理論。
活動後嘅內容
現場相、活動回顧、精華筆記、短片。一場活動唔應該做完就散——出到街嘅內容先係你 report 入面交到功課嗰部分。
點解搵書識圈
我哋自己搞開，唔係接 job 先學
171 場唔係做 pitch 砌出嚟嘅數，係我哋每星期真係喺度開，主持、控場、突發情況全部踩過。
一條龍，你唔使夾三間公司
主持、場地、書、道具、報名系統、現場簽到、活動後內容，一個窗口搞掂。
有自己嘅報名同會員系統
你嘅活動可以行返我哋整套報名流程：即時線上報名、候補、提醒信、簽到、活動後回饋收集。呢個網站就係。
活動之後仲有嘢交到功課
相、回顧文、精華筆記、短片。內部 report 同對外宣傳都有嘢用。
點樣開始
- 1
講低你想點
人數、大概日期、想解決咩。表單填三分鐘就夠。
- 2
一個工作天內覆
我哋覆返兩三個方案，連流程同時間表。
- 3
報價
按規模計：人數、時長、形式、場地、要唔要內容產出。傾好先收訂。
- 4
執行
主持、道具、簽到、現場執行我哋負責。你嗰邊只需要叫人出現。
- 5
活動後
相、回顧、參加者回饋一次過交返俾你。
講低你想點
填三分鐘，我哋一個工作天內覆返你，連建議同報價。
常見問題
要幾多人先開到？
十人左右就做得到，上限睇場地。三十人以上我哋會建議拆組同時開，一組一個主持，唔會有人由頭坐到尾冇開過口。
同事平時唔睇書，做唔做到？
做到。盲盒讀書會嘅設計就係唔使睇完一本書，帶住半本、帶個問題都入到場。真係一本都冇嘅，我哋可以預先準備書俾佢哋揀。
可唔可以喺我哋公司做？
可以。你公司有地方我哋直接過去；冇就用我哋常用嘅尖東、旺角、觀塘場地，或者夾第三方場地。
收費點計？
按規模報價：人數、時長、活動形式、場地、要唔要活動後內容產出。冇套餐價，因為十人嘅深度對話同五十人嘅劇本殺唔係同一回事。傾清楚先報，報咗先收訂。
可唔可以用英文做？
可以。我哋長期有 English Book Club，主持做得到全英文場，跨國團隊唔使將就。